Naskah Lucu

SALAH PAHAM

( NASKAH DRAMA )

(Terinspirasi dari cerita lucu di media komunikasi)

PARA PELAKU

Herman, 34 tahun

Siti, 30 tahun, istri herman

Amak, 50 tahun, ibu siti

BABAK 1

PANGGUNG BERSETING SEBUAH RUANG TAMU, UDARA PAGI YANG MASIH KENTAL TERASO MARASUKI RUANGAN , MELALUI JENDELA YANG ALAH TABUKAK LEBA, NAMPAK SEORANG WANITA YANG BOLAK BALIAK SABIA MAMANGGIA NAMO AMAK,

SITI                  : Mak...amak....( SITI MONDAR MANDIR MANCARI AMAK )

HERMAN         : ( KALUA DARI KAMAR ) ti,,, buek an den kopi agak sagaleh.

SITI                  : Io da.  ado nampak amak da? pagi – pagi alah indak ado di rumah.

HERMAN         : Indak tau ambo, mancari gorengan mungkin.

SITI                  : ( INDAK LAMO SIAP TU SITI KALUA MAMBAOK KOPI SAGALEH ) iko kopi nyo da.

HERMAN         : Ti, lay tau kau ndak kaba berita akhir – akhir ko?

SITI                  :  Alah mah da, padia jo lah urang tu. Nan kini awak ndak usah lah ikuik                  campur. Bagunjiang lo awak beko di buek nyo.

HERMAN         : Ee... masalah nyo kni lain lo ti. Iko ado sangkut paut nyo samo kuburan nyo ujang yang maningga bulan patang.

SITI                  : Apo tu da? ( JO RASO PENASARAN )

HERMAN         : Tadi sok – sok indak nio kau mandanga carito ambo.

SITI                  : Kini denai lah penasaran tu baa jo lay da.

Herman           : ( HERMAN MENARIAK NAFAS) mm giko a, iko carito nyo agak seram  saketek.

SITI                  : ( SITI ANIANG TAPAKU ) seram da?

HERMAN         : io seram., Carito nyo barawal dari si buyuang lewat da....

(PINTU MASUAK TABUKAK, NAMPAK AMAK MASUAK RUMAH SAMBIL MANJINJIANG SEBUAH PLASTIK)

AMAK              : Iko laki bini pagi – pagi alah bagunjiang.

SITI                  : Indak bagunjiang do mak, diskusi kecil jo saketek.

AMAK              : Alah samo se nyo tu.

HERMAN         : Ndak smo do mak, kalo bagunjiang awak badoso. Tapi kalu diskusi indak mak.

AMAK                          : ( MALATAK AN GORENGAN DI MUKO SITI JO HERMAN ), eh tau kalian ndak?

SITI                  : Apo tu mak?

HERMAN         : Apo tu mak?

AMAK                          : A kan, lah ka tau jo den isi utak kalian baduo tu, kalau ka bagunjiang tu tagak talingo kalian.

HERMAN         : E mak, ma tau kami kalau amak ka bagunjiang lo.

AMAK              : ( TAGAK SAMBIA MANARIAK NAFAS ) ambo manguji kalian baduo jo.

SITI                              : ( BABISIAK KA HERMAN ) amak gaya se nyo tu da, siti yakin tadi pas bali gorengan pasti amak sempat – sempatan lo bagunjiang sabanta samo amak – amak tetangga.

HERMAN         : Hus... kau ti... indak buliah buruak sangko samo amak mode itu, selagi awak masih bisa manjago, awak jago, lay jaleh dek kau ti?

SITI                  : io da,  denai tau.

HERMAN         : E tapi ndak ti, io pulo kadang kecek kau tu mah, amak dari pagi tadi ka lua lay, baa ko dek lamo bana nyo bali gorengan tu yo,, apo io amak bagunjiang tadi?

SITI                              : ( AGAK KESAL ) uda ko mangecek se yang ka lay nyo, tdi apo kato uda samo siti? Sok _ sok ma ajaan lo uda, nyato nyo uda lo yang babuek.

HERMAN         : Astaufirullah,, ambo khilaf ti.

SITI                              : Mm yo lah da, denai ka balakang sabanta, siap – siap ka barangkek ka sawah ( MAMANDANG KA LAKI ) siap – siap lah uda lay, nak samo – samo lo awak barangkek.

BABAK II

(TADANGA SUARO MANGATUAK PINTU DARI LUA, SITI JO AMAK MAMASAK DI DAPUA, BATAMPEK DI RUANG TAMU)

HERMAN         : Ti.....ti... buka pintu ti.

SITI                  : Io da, sabanta. ( SITI BAGAGEH MAMBUKA PINTU )

HERMAN         : ( PINTU TABUKA ) baa ko lamo bana kau buka pintu nyo ti?

SITI                  : Siti tadi masak da di dapua.

HERMAN         : Lah bisa uda makan lamak lay tu?

SITI                  : Alum lay da, jariang yang tagoreng baru.

HERMAN         : Bagageh lah kau saketek a. Paruik lah lapa bana a.

SITI                  : ( BAJALAN MASUAK KA DAPUA )

HERMAN         : ( DUDUAK DI RUANG TAMU) ti.....

SITI                  : Io da.

HERMAN         : Buek an ambo kopi.

SITI                  : Sagaleh da?

HERMAN         : Indak sabaskom.

SITI                  : Sabaskom lay indak banyak bana tu da?

HERMAN         : Batanyo jo kau lay piak. Biaso nyo kan sagaleh juo yang kau buen an.

SITI                  : Io da, denai buek an sagaleh yo da.

( BABARAPO MINI’ SITI TIBO MAMBAWO AIA )

HERMAN         : Ko io lamak mah,, panek – penek pulang sawah, tibo di rumah lansuang santuang kopi sagaleh.

SITI                              : Jan langsuang di santuang da, samo aia angek mangalagak di buek sabantako mah.

HERMAN         : Tau ambo nyo, lah masak samba kau tu?

SITI                  : Tingga lado lay nyo da yang sedang bagoreng kini ko.

HERMAN         : ( MANUANGKAN AIA KOPI KA CANGKIR) lay tau kau indak ti kaba yang kapatang tu?

SITI                  : Apo lay tu da, yang kapatang juo baru?

HERMAN         : kapatang ambo kan indak jadi bacarito, karano amak tibo pulo waktu nan  tu.

SITI                  : Jadi apo yang ka uda caritoan tu.

HERMAN         : Giko a, mandakek lah kau saketek.. kau kan tau akhir – akhir ko keadaan kampuang awak lagi mencekam.

SITI                  : (SITI MANDAKEK, JO RASO PENASARAN) io, tu baa da?

HERMAN         : Sampai mano carito ambo yang kapatang tu,

SITI                  : Ambo pikia dulu da, ( ANIAK SAJENAK ) si buyuang bajalan da...

HERMAN         : Io itu nyo ti, ( MANARIAK NAFAS ) jadi si buyuang bajalan lewat kuburang nyo si ujang.

SITI                              : ( DIAM TAPAKU MANATAP LAKI, SITI MEMACIK LAKI) io seram carito nyo uda mah.

HERMAN         : Alum jadi den bacarito lay, alah seram kecek kau.

SITI                  : Oo.. jadi alum seram itu lay da?

HERMAN         : Alum... lapehan lah tangan kau tu ha,

SITI                  : O iyo, maaf da, lanjut bacarito nyo da.

HERMAN         : Nan si buyuang kan lewat di kuburan nyo si ujang, jadi.....

SITI                              : Tunggu sabanta da, si ujang tu kan preman gadang yang maningga karano sakik kareh tu kan?

HERMAN         : Io itu nyo ti. Waktu si buyuang lewat kuburan nyo si ujang tu.... inyo mandanga sesuatu ti,,,

SITI                  : Mandanga apo tu da ( MAKIN MANDAKEK  JO PENASARAN )

Herman           : Inyo mandanga suaro urang azan ti,, suaro tu barasal dari kuburan tu,

SITI                  : ( MAKIN MANDAKEK ),  uda ko serius lah ha.

HERMAN         : Ado nampak tampang bagarah ambo dek kau. Lah saserius iko  ha..

SITI                  : Yo lah,, tu baa kelanjutan nyo lay da?

HERMAN         : Indak si buyuang jo yang mangalami hal mantuak iko ti,, alah banyak warga yang manjadi saksi.

SITI                  : Owh.. karano itu kampuang awak akhir – akhir ko mencekam da?

HERMAN         : Jadi ambo kapatang samo warga lain barusaho untuak mamparundiangan parkaro ko, alah ustad somad bagai yang turun tangan.

SITI                  : ( MENGANGGUK ANGGUK )

HERMAN         : Jadi pas kami mandatangi kuburan tu,,

SITI                  : ( MAKIN PANASARAN )

HERMAN         :  Kami barusaho untuk mancari apo yang tajadi sabananyo, ambo samo warga manggali kuburan tu,, dan kau tau apo yang tajadi ti??? ( MAMANDANG SITI TAJAM )

SITI                  : ( SITI MENGGELENG )

HERMAN         : Kami menemukan sesuatu ti.

SITI                  : Apo tu da

( MEREKA SALIANG BERTATAPAN )

HERMAN         : Kami menemukan.....( ANIANG )

Hp esia hidayah, aplikasi nyo yang canggih  sakatiko masuak waktu sholat pasti nyo azan surang hp tu..

SITI                               : ( MANARIAK NAFAS PANJANG) E uda ko ambo sangko kok alah nampak yang indak – indak lo. Jadi mano hp tu kini           da.

HERMAN         : Kalau masalah hp tu io den indak tau manao lay do ti.

SITI                  : Indak tau  baa pulo, lay indak hp malaikat yang basuo tu da.

HERMAN         : Kau ado – ado se mah ti, kalu den indak salah itu hp nyo si kimin yang tajatuah pas waktu mangubuan mayat nyo si ujang.

SITI                  : O jadi gitu carito nyo da, eh takana dek ambo latak seram carito nyo                                            dma da?

HERMAN         : oh io ndk! Ti... ti...

SITI                  : Io da

( TADANGA SUARO DARI HALAMAN BALAKANG )

AMAK              : Siti,,,,,siti,, ( SUARO IMBAOAN  ITU MAKIN KAREH )

Apo yang kau masak tu ti? Alah bedo bana baun nyo, sampai kalua ko ha.

SITI                  : Astaufirullah,, lado ambo anguih da.

HERMAN         : Io tu yang ka den kcek an ka kau tadi.

SITI                  : Uda ko lah tau lado anguih, indak bakecek an ka ambo do

( LARI BAGAGEH KA DAPUA )